joseph

Pigo CCM uchaguzi 2015

twangaraha — Mon, 21 May 2012 21:38:12 GMT

CHAMA Cha Mapinduzi (CCM) kimemaliza uchaguzi katika ngazi ya mashina na matawi huku kikikabiliwa na tatizo la kupata wagombea nafasi ya mabalozi wa nyumba kumi katika maeneo mbalimbali nchini.Uchunguzi wa gazeti hili katika mikoa mbalimbali, umebaini kuwa makada wengi wa CCM walikwepa kugombea nafasi hiyo jambo lililofanya walazimishane na kuleta wakati mgumu kupata warithi.

Kwa mujibu wa Katiba ya CCM, mabalozi au wajumbe wa shina ndio ngazi ya kwanza ya uongozi ndani ya chama hicho pia ni kiungo muhimu kati ya chama na wananchi katika maeneo wanayoishi.

Mbali ya majukumu mengine, mabalozi wa nyumba kumi wamekuwa wahamasishaji wakuu wa chama katika maeneo yao, kuhakikisha wanachama wanajiandikisha kwenda kupiga kura pia kujua idadi yao kwenye eneo husika.

Katibu wa CCM Wilaya ya Dodoma Mjini, Augustino Mbogo, amekiri kuwa kazi ya kuchagua mabalozi wa nyumba kumi iliingia dosari na kufanya baadhi ya watu kususa.

Hata hivyo, aliwarushia lawama baadhi ya watendaji ndani ya chama hicho kwa ngazi ya Kata na Matawi kuwa walikuwa kikwazo cha kukwamisha mchakato huo na kuwafanya baadhi ya wanachama kususa.
Mbogo alitoa kauli hiyo jana alipokuwa akielezea namna mchakato wa uchaguzi ndani ya chama unavyoendelea, ikiwemo uchaguzi wa ngazi ya mashina ambao umefikia kilele hivi karibuni.
Alisema kuwa katika wilaya yake, yako maeneo ambayo viongozi walitoa taarifa kuwa mabalozi walikuwa wakikataa kugombea na maeneo mengine waliamua kupeana nafasi hizo bila kufuata taratibu zozote.
"Ni kweli kuna baadhi ya maeneo hali haikuwa nzuri, mfano Kata za Chihanga,Hombolo na Mtumba tumepata wakati mgumu watu waligoma kugombea nafasi hizo,’’alisema Mbogo.
Kiongozi huyo alibainisha sababu za wanachama kugomea kugombea nafasi hizo ambapo alisema ni kutokana na ukiritimba mkubwa uliokuwa ukifanywa na baadhi ya makatibu wa maeneo husika.
"Unajua wale viongozi wa ngazi ya chini ni watu wa kuchaguliwa, hivyo katika maeneo mengi walikuwa wakipanga safu zao ili kujijenga na kuwa na mtaji wa wapiga kura pindi watakapoanza kugombea na wao,’’alisema.
Alitolea mfano kuwa baadhi ya maeneo fomu za kugombea nafasi hizo za mashina zilikuwa zikiuzwa kati ya Sh 5000 hadi 10,000 kinyume na utaratibu jambo lililofanya baadhi ya watu kushindwa kuzinunua.
Wakati Katibu huyo akieleza mchakato huo, uchunguzi uliofanywa katika baadhi ya maeneo umebainisha kuwa kwa baadhi ya sehemu, nafasi hizo hazikutangazwa kabisa,hivyo kufanya mabalozi waliokuwa madarakani waendelee kuongoza hata kama muda umepita.
Kata za Nzuguni, Iyumbu, Makutupora pamoja na maeneo ya Mpunguzi, Zuzu na maeneo kadhaa ya mjini Dodoma, uchaguzi huo haukufanyika na wengi hawajui kama mwaka huu ulikuwa ni mwaka wa uchaguzi kwa mabalozi.
Kamati ya siasa Arusha yakutana

Uchaguzi wa Viongozi wa Chama Cha Mapinduzi(CCM) wa mashina, matawi na mabalozi katika wilaya tano za mkoa wa Arusha, umeelezwa kudorora kwa kiasi kikubwa mwaka huu, huku wilaya za Arusha mjini na Arumeru zikishindwa kabisa kufanya uchaguzi wa matawi.

Habari za uhakika kutoka ndani ya chama hicho, ambazo zimethibitishwa na Katibu wa Uenezi na Itikadi wa CCM Mkoa wa Arusha, Loota Sanare, zimebainisha kuwa, kudorora kwa chaguzi hizo kumesababisha na sababu mbali mbali ikiwepo hali ya kisiasa mkoani Arusha.

Sababu nyingine zilizotajwa na baadhi ya viongozi wa CCM wa wilaya mkoani hapa, ni pamoja na kukosekana wagombea, na hivyo viongozi waliopo kuendelea kushikilia nafasi zao na kushindwa kusimamiwa zoezi la uchukuaji fomu, kurejeshwa na kupitisha majina kutokana na viongozi wengi kushiriki katika uchaguzi mdogo wa jimbo la Arumeru.

Kwa mujibu wa taarifa hizo, uchaguzi wa matawi katika wilaya hasa za Arusha na Arumeru hadi jana ulikuwa haujafanyika, wakati uchaguzi wa mashina na mabalozi pia haujafanyika kwani wengi wa mabalozi, wameendelea na nafasi zao.

"Unajua mwaka huu, hapa Arusha tulikuwa na uchaguzi wa Arumeru kuanzia Januari hadi Aprili viongozi wengi walikuwa huko, hivyo ilishindikana uratibu wa chaguzi,"alisema kiongozi huyo.

Hata hivyo, alisema katika wilaya nyingine za Longido, Monduli, Karatu na Ngorongoro, uchaguzi wa ngazi za Mashina na matawi zimefanyika kwa wastani wa asilimia 80 tu.

Kutokana na hali hiyo, Kamati ya Siasa Mkoa wa Arusha, ilitarajiwa kukutana jana kupokea taarifa za chaguzi hizo na kujua uhai wa chama katika wilaya zote.

Sanare alisema katika kikao hicho, kila wilaya itakuwa na ripoti yake ya chaguzi, hivyo kujulikana taarifa sahihi ni maeneo gani hazijafanyika na sababu zake, pia hatua ambazo zitachukuliwa.

"Naomba usubiri mara baada ya kikao cha Kamati ya Siasa tutakuwa na taarifa kamili ya chaguzi hizo na hali ya kisiasa ya mkoa wetu,"alisema Sanare.

Mkoa wa Arusha ni miongoni mwa mikoa ambayo hali ya kisiasa imekuwa tete kwa CCM hasa kutokana na viongozi wake na makada kadhaa kujiengua na kujiunga na chadema.

Kinondoni

Akizungumza jana Mwenyekiti wa CCM Wilaya ya Kinondoni, Aron Mwaikambo alisema chaguzi zilizo tayari ni za jumuiya pamoja na chama ngazi ya ubalozi na matawi.

Mwaikambo alisema, ubalozi wa nyumba kumi tangu Februari mwaka huu ila hapakuwa na upinzani kwa sababu sehemu nyingi ni mtu mmoja tu alijitokeza kugombea, hivyo kushinda bila upinzani.

"Tulifanya uchaguzi wa nyumba kumi kuanzia Februari 2 hadi 5 mwaka huu tukamaliza zoezi hilo na tulipenda kungekuwepo na upinzani ila watu walikua wachache na katika kila eneo la hizo nyumba kumi aliyechukua fomu ndio mshindi kwasababu hapakua na upinzani kabisa”alisema Mwaikambo.Alieleza:

Sehemu nyingi wazee wamechoka hivyo wamewaachia vijana nafasi hiyo lakini asilimia kubwa ya vijana hawakujitokeza kwani licha ya balozi kuwa anatekeleza kazi za chama, pia ana jukuma la kupatanisha migogoro inayotokea katika nyumba hizo hasa familia ambapo kwa vijana inakua ngumu.

Temeke

Wakati hayo yakiendelea Kinondoni Msemaji wa CCM Wilaya ya Temeke, Saad Kusilawe amesema kuwa Chama Cha Mapinduzi kimepata watu wengi waliojitokeza kuchukua fomu za ubalozi wa nyumba kumi katika kata zake zote.

Akizungumza jana ofisini kwake, alisema hali ilikuwa tofauti na alivyofikiria kwani waliojitokeza ni wengi tofauti na kipindi cha nyuma kulikuwa na wanachama wapatao 5,228 na katika kipindi hiki waliokuja kuchukuwa fomu hizo wamefikia 7,800 hali ambayo inaonyesha kuwa chama hicho bado kipo imara.

Kusilawe alisema hali ya siasa ina changamoto hasa kipindi hiki ambacho vijana wengi wamejikita katika suala la siasa na kupelekea mambo kubadilika kutokana na kujitambua kwao.

"kwakweli vijana wamekuja juu sana kipindi hiki ila kinachoniogopesha ni kuhusu kuja kwao juu ni kwa kuchochewa na baadhi ya wanasiasa kufanya fujo na siyo kujenga nchi kama inavyofikiriwa”alisema kusilawe.

Aliongeza kuwa vijana wengi hivi sasa wamekaa kiushawishi na mara nyingi uacha mambo yanayowapeleka shule na kuanza kufanya siasa ambayo mara nyingi inakuwa ni hasara kwao kutokana na fujo wanazo zianzisha.

Dodoma
Katibu wa Chama Cha Mapinduzi (CCM) Wilaya ya Dodoma Mjini, Augustino Mbogo amekiri kuwa kazi ya kuchagua mabalozi wa nyumba kumi iliingia dosari na kufanya baadhi ya watu kususa.
Hata hivyo, aliwarushia lawama baadhi ya watendaji ndani ya chama hicho kwa ngazi ya Kata na Matawi kuwa walikuwa ni kikwazo cha kukwamisha mchakato huo na kuwafanya baadhi ya watu kususia.

Mbogo alitoa kauli hiyo jana alipokuwa akielezea namna mchakato wa uchaguzi ndani ya chama unavyoendelea ikiwemo uchaguzi wa ngazi ya mashina ambao umefikia kilele mwishoni mwa wiki.

Alisema kuwa katika wilaya yake yako maeneo ambayo viongozi walitoa taarifa kuwa mabalozi walikuwa wakikataa kugombea na maeneo mengine waliamua kupeana nafasi hizo bila kufuata taratibu zozote.

"Ni kweli kuna baadhi ya maeneo hali haikuwa nzuri, mfano Kata za Chihanga, Hombolo na Mtumba tumepata wakati mgumu watu waligoma kugombea nafasi hizo,’’alisema Mbogo.

Kiongozi huyo alibainisha sababu za wanachama kugomea kugombea nafasi hizo ambapo, alisema ni kutokana na ukiritimba mkubwa uliokuwa ukifanywa na baadhi ya makatibu wa maeneo husika.

"Unajua wale viongozi wa ngazi ya chini ni watu wa kuchaguliwa, hivyo katika maeneo mengi walikuwa wakipanga safu zao ili kujijenga na kuwa na mtaji wa wapiga kura pindi watakapoanza kugombea na wao,’’alisema.

Alitolea mfano kuwa baadhi ya maeneo fomu za kugombea nafasi hizo za mashina zilikuwa zikiuzwa kati ya Sh 5000 hadi 10,000 kinyume na utaratibu jambo lililofanya baadhi ya watu kushindwa kuzinunua.

Wakati Katibu huyo akieleza mchakato huo, uchunguzi uliofanywa katika baadhi ya maeneo umebainisha kuwa katika maeneo mengi nafasi hizo hazikutangazwa kabisa, hivyo kufanya mabalozi waliokuwa madarakani waendelee kuongoza hata kama muda umepita.

Hofu ya kutotangaza inatokana na ukweli kuwa baadhi ya mabalozi hawapendi kuendelea kuongoza na hivyo kama nafasi hizo zingetangazwa, ni wazi kuwa wangeweza kuziachia huku chama kikikosa mgombea katika eneo husika.
Kata za Nzuguni, Iyumbu, Makutupora pamoja na maeneo ya Mpunguzi,Zuzu na maeneo kadhaa ya mjini Dodoma, uchaguzi huo haukufanyika na wengi hawajui kama mwaka huu ulikuwa ni mwaka wa uchaguzi kwa mabalozi.

Mara
Uchaguzi ngazi ya mashina na matawi ya ya CCM umeshindwa kufanyika katika maeneo mbalimbali wilayani Serengeti ,kutokana na wanachama wengi kususa kujitokeza, hali iliyosababisha watu wateuliwe kushika ubalozi kinyume na utaratibu wa kawaida wa chama wa kupigiwa kura.

Uchunguzi wa Mwananchi Jumapili ulibaini kuwa nafasi nyingi za ubalozi wa mashina zimekimbiwa na wanachama wa CCM na sasa waliotayari wanateuliwa kujaza nafasi hizo.

"Hii ni aibu kubwa na haijawahi kutokea maana ilipofika kipindi hiki cha uchaguzi, watu walifukuzana kuwania ubalozi
,lakini leo mtu akionekana anachukua fomu ya ubalozi watu wanamzoea, hakika chama kinakwenda pabaya,”alisema Katibu mmoja wa Tawi la CCM, jina limehifadhiwa.

Katika Kata ya Manchira, mbali na uteuzi wa mabalozi na wengine kukataa uteuzi hata uchaguzi wa viongozi ngazi ya tawi uliokuwa ufanyike mwishoni mwa wiki hii ulishindikana baada ya wanachama wakiwemo waliochukua fomu, kutojitokeza.

Habari za uhakika na zilizothibitishwa na baadhi ya viongozi wa matawi na Kata wa chama hicho, zinadai katika Tawi la Rwamchanga, walijitokeza watu wasiozidi wanane, hali iliyomlazimisha Katibu wa Uchumi wa Kata hiyo, John Wambura ambaye alikuwa msimamizi, kuahirisha hadi Mei 21 mwaka huu.

Hali hiyo pia iliyakumba matawi ya Ntamyo,Miserere na Miseke
ambapo wanachama hawakujitokeza hata waliojaza fomu za kuwania nafasi mbalimbali ,huku kukiwa na uvumi kuwa wana mpango wa kujiungua Chadema na wanasubiri viongozi wa kitaifa wahame.

Mwenyekiti wa CCM Wilaya, Patrick Chandi alikiri kuwepo kwa migogoro baadhi ya maeneo ambapo amelazimika kumwagiza Katibu wake wa wilaya kufuatilia chanzo cha matatizo.

"Kwa ujumla tunaendelea ingawa kuna mambo hayawezi kwenda sawa sawa.
Maeneo kama Rwamchanga,Tamukeri ,Kisaka na kwingineko kuna migogoro ya ndani kwa ndani,”alisema.

shibuda, mwana ccm aliye tumwa kuichafua chadema

twangaraha — Mon, 21 May 2012 21:22:42 GMT

SAKATA la Mbunge wa Maswa Mashariki, John Shibuda kutangaza nia ya kuwania urais ndani ya Kikao cha Halmashauri Kuu (Nec) ya CCM, sasa linaitikisa Chadema baada ya Makamu Mwenyekiti wa Baraza la Vijana la chama hicho (Bavicha), Joliana Shonza kupingana hadharani na bosi wake, John Heche.

Wakati Heche akiwa tayari ametoa tamko kumshambulia Shibuda akisema chama hicho hakitaruhusu mgombea wake urais atangaze nia kwenye vikao vya CCM, Shonza ameibuka na kusema tamko hilo la bosi wake siyo la Bavicha ila ni lake binafsi.

Jana, Shonza akizungumza na waandishi wa habari Dar es Salaam, alilikana tamko la Heche wiki iliyoipita akisema hakuna kikao ambacho baraza hilo lilikaa na kutoa kauli moja kumjadili Shibuda.

Hii ni mara ya tatu kwa Shibuda kusababisha mgongano ndani ya Chadema. Aliwahi kupinga msimamo wa kutotambua matokeo ya urais wa Jakaya Kikwete na badala yake, alishiriki tafrija Ikulu ndogo Chamwino, baada ya mkuu huyo wa nchi kuzindua Bunge la 10 na pia, aliwahi kupinga msimamo wa chama hicho kukataa posho bungeni badala yake alitaka ziongezwe hadi Sh500,000 huku akiziita ni, "ujira wa mwiha” na kuwarushia makombora baadhi ya viongozi wake akisema ni wabunge wafanyabiashara.

Katika sakata hilo la sasa, Shonzi alisema: "Naomba ifahamike kwamba tamko alilolitoa Heche siyo la Baraza, bali ni lake kama Heche. Alipokuwa akitoa tamko hilo hakukuwa na kikao chochote cha Baraza cha viongozi wa kitaifa wala Sekretarieti ya Baraza la Vijana la Chadema ili kulijadili suala hili kwa kina bali, alitumia mwamvuli wa vijana kuhalalisha hoja yake.”

Shonza alisema tamko alilolitoa dhidi ya Shibuda liliandaliwa na kuandikwa na Ofisa Habari wa Chadema Makao Makuu, kitu ambacho ni kinyume na utaratibu na kanuni za Bavicha.

"Bavicha tumejikamilisha kwa maana ya kwamba, tuna uongozi wetu kamili wa taifa. Tuna ofisi zetu ambazo ni nje ya ofisi za makao makuu sasa iweje tamko hilo likaandaliwe makao makuu tena na mtu ambaye hahusiki na Bavicha?”

Shonza alisema kama utaratibu huo alioutumia Heche ungekuwa unatumiwa na Katibu Mkuu wa Chadema, Dk Willibrod Slaa na Mwenyekiti wake, Freeman Mbowe kufanya uamuzi binafsi pasipo kuyajadili na sekretarieti ya chama, wasingeweza kufikia matunda yanayoonekana hivi sasa.

Msimamo wa Heche
Wakati Makamu huyo akimrushia makombora bosi wake, jana Heche naye alitoa tamko akisema: "Natoa taarifa kwa umma kwamba baada ya mashauriano, Katibu wa Bavicha, Deogratias Siale ameitisha kikao cha sekretariati taifa Alhamisi, Mei 24, 2012, kwa ajili ya kujadili na kuwasilisha mapendekezo kwenye vikao halali vya chama kwa ajili ya hatua zaidi.”

Aliongeza, "Wakati huohuo, nimejulishwa kuwa Makamu wangu (Shonza), leo amezungumza na vyombo vya habari na kukanusha taarifa niliyotoa kwa niaba ya Bavicha. Itambulike kuwa majukumu na mamlaka ya mwenyekiti na kiongozi mwingine yeyote wa Baraza yanabainishwa na Kanuni za Baraza letu kifungu 5.4.1, ambayo mwenyekiti ndiye msemaji mkuu wa Baraza na pia ndiye kiongozi mkuu wa Baraza katika ngazi husika.”

Alisema kifungu cha 5.4.2 kinabainisha majukumu ya makamu mwenyekiti ambaye anapaswa kufanya kazi chini ya mwenyekiti na ndiye msaidizi wake.

Alisema Katiba ya chama ambayo ndiyo msingi mama wa shughuli za Baraza katika kanuni zake kifungu cha 7.7.1, inabainisha kazi za mwenyekiti na pia anaweza kufanya nini na wakati gani kwa kushauriana na nani.

"Kwa kutumia kifungu hiki, nilipokea ushauri kutoka kwa viongozi mbalimbali wa Bavicha, akiwemo makamu mwenyekiti na kushauriana na Katibu na kuona haja ya kutoa kauli na mwongozo wa nini kitafuata kwa niaba ya baraza kama hatua ya kwanza,” alisema na kuongeza:

Bavicha Shinyanga
Bavicha Mkoa wa Shinyanga nalo jana limetoa tamko na kumkosoa Shibuda. Tamko hilo lililotolewa na Mwenyekiti wake, Nzemo Renatus, lilisema: "Tatizo letu na Shibuda ni kutoa kauli hii huku katiba ya Chadema na taratibu zake anazifahamu.

Lakini mbaya zaidi anakidhalilisha chama kwa kutoa kauli nzito katika kikao cha mahasimu wetu wakuu wa kisiasa, CCM huku akiwa mwanachama wetu. Ni sawa na mvuvi anayetoboa mtumbwi wake mwenyewe akiwa katikati ya Ziwa au Bahari.”

"Kwa niaba ya Bavicha Mkoa wa Shinyanga, naungana na kauli ya Mwenyekiti wa Bavicha Taifa. Tunaomba aitishe kamati ya utendaji ya Taifa haraka iwezekanavyo tuweze kupitisha maazimio ya kauli tatanishi za Mbunge Shibuda.”

wizi sasa umehamia idara ya uhamiaji

twangaraha — Mon, 21 May 2012 21:07:09 GMT

KASHFA nyingine imeibuliwa katika Idara ya Uhamiaji.Taarifa mpya yenye kurasa tano, imewataja vigogo hao saba wakidaiwa kuwa na utajiri wa kutisha.Taarifa hiyo ambayo tunayo nakala yake, imedai kuwa vigogo hao wanamiliki mali na mamilioni ya shilingi katika akaunti zao binafsi.

Maofisa saba wametajwa kwa majina na vituo vyao vya kazi ambavyo ni Lindi, Dar es Salaam, Uwanja wa Ndege wa Kimataifa wa Kilimanjaro (Kia) na Moshi.

Tuhuma hizo zimekuja wakati Tume Maalumu iliyoundwa kuchunguza tuhuma za ufisadi na utoaji wa vibali bandia kwa wageni, ikitajwa kuanza kazi juzi. Hata hivyo, habari kutoka wizarani zinaeleza kuwa timu hiyo itaanza rasmi kazi zake leo.

Habari za uhakika kutoka ndani ya Uhamiaji, zimedai kuwa baadhi ya wajumbe wa tume hiyo wamemhoji meneja wa benki moja kubwa ya Moshi ili kupata ukweli wa madai kuwa kigogo mmoja wa Uhamiaji mwenye cheo cha Naibu Kamishna (DCI), anamiliki akaunti ya fedha za kigeni.

Kigogo huyo anahusishwa pia na mtandao wa utoaji vibali bandia kwa raia wa kigeni wanaofanya kazi mkoani Kilimanjaro au kufanya kazi za kujitolea.

Ripoti hiyo imetaja taasisi 13, zikiwamo zisizo za kiserikali (NGO), hospitali na hoteli za kitalii zinazodaiwa wageni wake walipewa vibali bandia.

Mbali na kumhoji meneja huyo, inadaiwa pia walifanya mahojiano na uongozi wa kiwanda kimoja kinachodaiwa kukutwa na vibali bandia vya wageni 84.

Taarifa hizo zilidai kuwa maofisa wengine waandamizi wa Uhamiaji kutoka Makao Makuu, Dar es Salaam walitarajiwa kuwasili Moshi juzi kuungana na wenzao.

Baadhi ya maofisa waliotajwa katika ripoti hiyo kwamba wana utajiri ni wale waliokumbwa na uhamisho katika idara hiyo, Kia miezi mitatu iliyopita.

Katika ripoti hiyo, kigogo mmoja mwenye cheo cha DCI anadaiwa kukutwa na Sh700 milioni katika akaunti yake, achilia mbali kumiliki mali za mamilioni.

Mbali na maofisa hao kumiliki mamilioni ya fedha taslimu, pia wanadaiwa ‘kufanya kufuru’ ya kununua magari ya kifahari, nyumba na viwanja.

Ripoti hiyo inayodaiwa kuandikwa na Maofisa Uhamiaji wazalendo, imepinga hatua ya kuhamishwa kutoka kituo kimoja kwenda kingine, maofisa wanaotuhumiwa kukutwa na utajiri ambao haulingani na vipato vyao.

"Tunataka ufanyike ukaguzi wa kina wa vibali vyote vilivyotolewa kati ya 2009/2010, 2010/2011 hadi 2012 na taasisi zote zionyeshe nakala za vibali,” imedai.

Pia taarifa hiyo imependekeza wenzao wote wanaotuhumiwa kuwa na utajiri wa kutisha wachunguzwe na Taasisi ya Kuzuia na Kupambana na Rushwa (Takukuru).

"Haikuwa sahihi kuwahamisha na kuishia hapo, walipaswa wapelekwe Takukuru wachunguzwe chanzo cha utajiri wao.”

Pia wametaka kigogo anayemiliki akaunti ya Dola, achunguzwe ili kujua alikuwa akifanya biashara gani nje ya utumishi wa umma na kama alilipa kodi kiasi gani.

Baadhi ya maofisa Uhamiaji wamependekeza kusimamishwa kazi kwa kigogo huyo katika kipindi hiki kwa hofu ya kuingilia na kuvuruga uchunguzi.

Wiki iliyopita, Kamishna Mkuu wa Uhamiaji, Magnus Ulungi aliwaambia waandishi wa habari kuwa imeundwa kwa tume ya kumchunguza kigogo huyo.

Hata hivyo, taarifa zilizopatikana jana zilisema tume hiyo imepanua wigo wa uchunguzi juu ya kuwapo kwa vibali bandia katika taasisi mbalimbali.

Kabla ya kuhamishiwa Wizara ya Ulinzi na Jeshi la Kujenga Taifa, aliyekuwa Waziri wa Mambo ya Ndani, Shamsi Vuai Naodha alikaririwa akisema Kilimanjaro ni moja kati ya mikoa minane inayomtia kichefuchefu nchini.
Waziri huyo alisema baadhi ya watumishi wamekuwa wakijihusisha na mtandao wa uingiaji wahamiaji haramu nchini pia kutoa vibali bandia kwa wageni.

Waziri wa Mambo ya Ndani ya Nchi, Dk Emmanuel Nchimbi alipoulizwa juzi kuhusu sakata hilo alisema ni vyema Uhamiaji ikapewa nafasi ya kuchunguza suala hilo kwa kuwa tayari imeshateua tume ya uchunguzi.

"Kamishna Mkuu wa Uhamiaji tayari amelifanyia kazi jambo hilo kwa uzito unaostahili. Tuwape nafasi walichunguze si vyema kuanza kuingilia katika hatua hii ya mwanzo,” alisema.

Wahamiaji haramu
Serikali, bila mafanikio, imekuwa ikichukua hatua mbalimbali kukomesha tatizo la wahamiaji haramu linalotajwa kuwa chanzo cha utajiri wa baadhi ya vigogo wa Idara ya Uhamiaji.

Miongoni mwa mikakati iliyowahi kutangazwa na Wizara ya Mambo ya Ndani ni pamoja na idara hiyo kufanya utafiti kwa kushirikiana na Chuo Kikuu cha Mzumbe kubaini chanzo cha ongezeko la wahamiaji haramu nchini.
Akiwasilisha Bajeti ya Wizara yake bungeni mwaka 2007/2008 , aliyekuwa Waziri wa Mambo ya Ndani ya Nchi wakati huo, Joseph Mungai alisema matokeo ya utafiti huo ni kuisaidia Serikali kujua chanzo cha tatizo hilo na jinsi ya kupambana nalo kwa ufanisi zaidi.

Hatua nyingine zinazochukuliwa ni pamoja na maofisa Uhamiaji kushiriki katika vikao mbalimbali kuanzia ngazi ya vijiji, ili kuwapa wananchi elimu juu ya masuala yanayohusu uraia na jinsi ya kukabiliana na wahamiaji haramu; Kutoa elimu kwa umma kupitia vyombo vya habari; Kuweka mtandao wa kompyuta katika vituo vyote vya Uhamiaji ili kuviunganisha na makao makuu.

Pamoja na Serikali kutangaza mkakati huo miaka mitano iliyopita, wahamiaji haramu limeendelea kuwa tatizo sugu linalotia doa utendaji wa idara hiyo.

poleni sana CCM huu ndio mwisho wenu

twangaraha — Wed, 16 May 2012 22:37:25 GMT

mwalimu nyerere ambaye ndiye mwasisi wa chama cha mapinduzi aliwahi kukitabilia kifo chama ambacho yeye aliki asisi kwa madai kua kina kanza ya uongozi hebu tupate nukuu ya maneno yake kabla htuja endelea

Mwaka 1993 Mwalimu alichapisha kitabu kiitwacho Uongozi Wetu na Hatima ya Tanzania (Harare: Zimbabwe Publishing House, 1993). Pamoja na mambo mengine katika kitabu hiki, Mwalimu alisema kuwa kuna kansa katika uongozi wa CCM. Nanukuu baadhi ya maneno yake:

... Chama cha Mapinduzi, kwa sababu ya uzito wa historia yake, hadhi ya jina lake, mfumo wa wavu wake, mazoea ya watu, na ubovu wa Vyama vya Upinzani, kinaweza kuchaguliwa na Watanzania, pamoja na kansa ya uongozi wake. Au watu wanaweza wakachoka, wakasema, "potelea mbali:" wakachagua Chama cho chote, ilimradi tu watokane na kansa ya uongozi wa CCM. Hainifurahishi kuyasema haya, lakini uhai wa Nchi yetu unataka yasemwe. (Ukurasa 61)

Mwalimu hakuishia hapo, bali aliongezea namna hii:

Nilisema awali kwamba kansa ya uongozi ndani ya Chama cha Mapinduzi isingekuwa ni jambo la kutisha sana kama tungekuwa tumeanza kuona Chama kizuri cha upinzani kinachoweza kuiongoza Nchi yetu badala ya CCM. Ubovu wa uongozi ndani ya CCM ndio uliofanya nikapendekeza tuanzishe mfumo wa Vyama Vingi. Nilitumaini kuwa tunaweza kupata Chama kingine kizuri ambacho kingeweza kuiongoza Nchi yetu badala ya CCM; au ambacho kingekilazimisha Chama cha Mapinduzi kusafisha uongozi wake, kwa kuhofia kuwa bila kufanya hivyo kitashindwa katika uchaguzi ujao. Lakini bado sijakiona Chama makini cha upinzani; na wala dalili zo zote za kuondoa kansa ya uongozi ndani ya CCM. Bila upinzani mzuri wa nje, na bila demokrasia halisi ndani ya Chama cha Mapinduzi, Chama hiki kitazidi kudidimia chini ya uzito wa uongozi mbovu. Kwa hali yetu ya kisiasa ilivyo nchini hili si jambo la kutarajia bila hofu na wasi wasi!(Ukurasa 66)

miaka 19 baada ya mwalimu kusema hayo ameibuka kada mwingine wa chama hicho akiwa na madai sawa na ya mwalimu licha ya yeye mwenyewew kuwa badio sio mtu safi kwenye macho ya watanzania

sasa hali imekuwa mbaya ndani ya ccm badala ya kujadili wafanye nini kukinusuru chama sasa wanajadili na kukosoa vibaya mapungufu makubwa waliyo nayo makada wake licha ya kukili kuwa kasi ya peoples pwa inawabana koo

huo ndio mwisho wenu ndugu zangu wa ccm

Mzee Makamba awarushia kombora Nape, Pinda

twangaraha — Wed, 16 May 2012 22:15:59 GMT

ASEMA NAPE ANAIGEUZA CCM MALI YAKE,PINDA YUKO MBALI NA WANANCHI, KINGUNGE PIA ACHARUKA
Midraji Ibrahim, Dodoma
BAADA ya ukimya wa muda mrefu, Katibu Mkuu mstaafu wa CCM, Yusuf Makamba ameibuka katika kikao cha Halmashauri Kuu ya chama hicho (Nec) na kumtuhumu Katibu wa Itikadi na Uenezi, Nape Nnauye kwamba amekigeuza chama kuwa mali yake binafsi.

Taarifa kutoka ndani ya kikao hicho, zimesema kwamba Makamba alisema hatua ya Nape kugeuza chama hicho kama taasisi yake binafsi ndiyo ambayo imesababisha kikose mwelekeo.

Makamba licha ya kuelekeza mashambulizi yake kwa Nape, alimrushia pia kombora Waziri Mkuu, Mizengo Pinda kuwa ana uhusiano mdogo na wananchi.

"Mzee (Makamba) amesema hivi sasa CCM imekuwa kama jogoo anayepelekwa kwa mganga, kila anakoelekezwa ndo huko, hali hiyo ndiyo inakikumba CCM hivi sasa. Amemweleza Nape kuwa amegeuza chama kama mali yake binafsi, anafanya mambo nje ya utaratibu na anaangaliwa tu.”

Makamba alidai kuwa badala ya sekretarieti kushughulikia matatizo ya chama, imekuwa ikihangaika na watu kwa sababu ya kutofautiana nao misimamo na wakati huo wakijidai kuzika tofauti ili kukiimarisha.

Nape alipoulizwa kuhusu suala hilo alipuuza na kusema: "Si kweli, lakini ninyi andikeni tu maana tumewazoea.”

Alipotakiwa kueleza kama Kingunge na Makamba walisema nini dhidi yake katika kikao cha Nec alijibu: "Walikuwapo, lakini hakuna kati yao aliyenitaja hata kwa jina.”

Nape alitumia muda mwingi kulalamika kuwa taarifa nyingi ambazo zimekuwa zikitolewa kutoka ndani ya mkutano huo uliomalizika jana zimetoka kwa watu aliowataja kuwa wana maslahi nazo binafsi na kuhoji,” Kwa nini msiwe mnasubiri taarifa rasmi (za chama) ili habari iwe ya ukweli zaidi?”

Mkongwe mwingine wa chama hicho, Kingunge Ngombale-Mwiru, ambaye anadaiwa kusikitishwa na vitendo vya rushwa na ugomvi vinavyoendelea ndani ya chama huku vikiangaliwa na viongozi kama vile vinakistawisha wakati vinakiporomosha.

Kingunge alidai kuwa hivi sasa chama hicho kimetawaliwa na matajiri ambao ndiyo wanaopata nafasi za uongozi na maskini wanawekwa kando.

Mwenyekiti wa CCM Mkoa wa Shinyanga, Hamis Mgeja aliunga mkono suala la Pinda kuwa na uhusiano mdogo na wananchi na kwamba, amekuwa mkimya zaidi na hamsaidii Rais Jakaya Kikwete.

"Yule Mwenyekiti wa Shinyanga, amemweleza Pinda kuwa ng’ombe wakila mazao mtu wa kwanza kuchapwa viboko ni mchungaji, halafu mmiliki anatozwa faini baadaye. Hivyo, alitakiwa kuwajibika kwanza kabla ya mawaziri walioondolewa,” kilidokeza chanzo chetu.

Mgeja alidai kuwa uwajibishwaji wa mawaziri, haukuzingatia haki kwa sababu George Mkuchika, Profesa Jumanne Maghembe na Hawa Ghasia walilalamikiwa, lakini kilichofanywa ni kutoa kafara wengine na hao kubadilishiwa wizara.

Pia, inadaiwa kuwa Mwenyekiti Kikwete aliwataka wajumbe kuzika tofauti zao ili kuweka msimamo wa pamoja kwa ajili ya ushindi kwenye Uchaguzi Mkuu ujao wa 2015 na kwamba adui namba moja wa CCM hivi sasa ni Chadema.

Rushwa yakishtua chama

Katibu wa Itikadi na Uenezi, Nape Nnauye alisema Nec imejadili changamoto zinazokikabili chama kwenye uchaguzi unaoendelea na kubaini kuwa rushwa imekithiri.

Nape alisema tishio la rushwa ni kubwa na mgombea atayakayethibitika kujihusisha na vitendo hivyo rushwa ataondolewa mara moja, huku viongozi na watendaji wakitahadharishwa kuchukuliwa hatua za nidhamu.

"Kwa kisingizio cha kuwasalimia wajumbe, kuwapa nauli au kujitambulisha. Mgombea atakayethibitika anazunguka au amezunguka ataondolewa bila kuchelewa katika orodha ya wagombea,” alisema na kuongeza:

"Kwa watendaji na viongozi wa chama ngazi zote kuanzia sasa ni marufuku kuwatembeza ndani ya maeneo yao, kwa nia ya kuwatambulisha kwa wapiga kura. Mtendaji au kiongozi atakayebainika anakiuka agizo hili, atachukuliwa hatua za nidhamu mara moja.”

Pia, Nape alisema kuanzia sasa ni marufuku kwa watendaji na viongozi wa chama ngazi zote kuwaitia wagombea, wajumbe wa mikutano ya uchaguzi kwa lengo lolote, kwani vikao vya aina hiyo havimo katika katiba.

Alisema vikao vya aina hiyo ni haramu na vinapalilia rushwa na kuongeza kwamba wanachama wa CCM wanatakiwa kupiga vita rushwa na kutoa taarifa ya vitendo hivyo katika ofisi za chama na Taasisi ya Kuzuia na Kupambana na Rushwa (Takukuru).

Aliitaka Takukuru kutomuonea aibu au kumuogopa mtu anayejihusisha na vitendo vya rushwa badala yake wamchukulie hatua.

Mishahara na chakula

Kuhusu mishahara ya watumishi wa umma na mfumuko wa bei ya chakula, Nape alisema Nec imeagiza Serikali kuhimiza waajiri kupandisha mishahara na malipo mengine kwa wafanyakazi wao ili waweze kumudu gharama za maisha.

Alisema gharama za maisha zimepanda na mishahara inayolipwa haiendani na hali halisi. Alisema nayo Serikali inatakiwa nayo kupandisha mishahara kwa watumishi wake.

"Serikali idhibiti malipo ya huduma ya ndani kwa kutumia fedha za kigeni, hasa Dola ya Marekani. Pia, iongeze udhibiti wa maduka na hoteli zinazofanya biashara ya fedha za kigeni ili kuondoa hujuma kwa uchumi wa nchi inayofanywa kutokana na uhuru uliokithiri katika biashara hii,” alisema.

Nape alisema Serikali inatakiwa kuweka jitihada zaidi za kudhibiti ulanguzi wa bidhaa muhimu na upandishaji holela wa bei za vyakula, kodi za nyumba na usafiri.

Alisema Nec imeagiza Serikali kuendelea kuchukua hatua za muda mrefu na kati za kukabiliana na tatizo la mfumuko wa bei.

"CCM inaiagiza Serikali kuchukua hatua za haraka na muda mfupi ikiwamo kuangalia upya baadhi ya kodi katika vyakula pamoja na Kodi ya Ongezeko la Thamani (VAT) katika sukari,” alisema Nape.

Pia, Nape alisema wameagiza Serikali kupitia upya utaratibu wa ruzuku ya mbegu na mbolea ili upanuliwe kunufaisha wakulima wengi.

Alisema Nec imeitaka Serikali iongeze kasi ya utekelezaji wa mpango wake wa kuongeza uwezo wa kuhifadhi chakula nchini, hasa kupitia Mamlaka ya Hifadhi ya Nafaka ya Taifa (NFRA), ikiwamo kujenga maghala zaidi ya mazao ya chakula maeneo ya uzalishaji na kutenga fedha nyingi zaidi kwa ununuzi wa mazao hayo.

"Wakati wa uhaba wa vyakula maeneo ya mijini, kasi ya kupeleka chakula maeneo hayo iongezwe na utaratibu mzuri zaidi wa usambazaji chakula utumike ili walaji na siyo wasafirishaji na wasindikaji, wanufaike,” alisema.

source mwananchi

mambo yaenda vibaya,ikulu yapingwa

twangaraha — Sun, 13 May 2012 07:31:39 GMT

WANAHARAKATI nchini wamepinga mpango wa Ikulu wa kutaka kuwapo na uchunguzi wa watendaji katika wizara na taasisi nyingine za umma wanaotuhumiwa kuhusika na ubadhirifu wa fedha za umma kwa kigezo kwamba ripoti ya Mkaguzi na Mdhibiti Mkuu wa Hesabu za Serikali (CAG) inatosha kuwafikisha mahakamani.

Kauli hiyo imekuja baada ya juzi Ikulu kuagiza Taasisi ya Kuzuia na Kupambana na Rushwa (Takukuru) na Mkurugenzi wa Makosa ya Jinai (DCI) kuwachunguza watendaji hao na kwamba uchunguzi huo kwa kile walichoeleza ni ili kutomuonea mtu wala kukandamiza wakati wa kuchukua hatua.

Wakichangia maoni katika mada ya hali ya uwajibikaji nchini iliyotolewa kwenye Semina ya Maendeleo na Jinsia (GDSS), iliyofanyika katika viwanja vya Mtandao wa Jinsia Tanzania (TGNP) jijini Dar es Salaam walisema , tuhuma zilizowaondoa kwenye nafasi zao ni za kushindwa kuwajibika na si za rushwa.

Mkuu wa Chuo cha Mafunzo ya Jinsia katika mtandao huo, Diana Mwiru alisema kwa sasa hakuna haja ya kufanya uchunguzi kwa kuwa ripoti ya CAG na zile za kamati tatu za Bunge zinaonyesha wazi namna wahusika walivyohusika katika tuhuma hizo.

"Tuhuma zinazowahusu mawaziri zinatokana na wao kushindwa kuwajibika na kulisababishia hasara taifa, … ripoti ya Mkaguzi wa Hesabu za serikali (CAG) na ripoti za kamati tatu za Bunge zote ziko wazi na wote tumeona hasara iliyotokea ,hoja yangu ni kwamba tunachunguza nini tena? alihoji Mwiru na kuongeza:

"Kinachotakiwa kwa sasa ni wahusika kufikisha mahakamani kujibu tuhuma, unafanyika uchunguzi mwingine wa nini, hawa wanatufanya sisi hatujui kitu, kazi ya Takukuru ni kuchunguza rushwa swali ni je tuhuma hizo ni za rushwa? alihoji Mwiru.

Mwiru alisisitiza kuwa chunguzi zilizofanywa zinatosha na sasa Watanzania wanataka kuona watuhumiwa wakifikishwa kwenye mhimili mwingine unaotafsiri sheria (Mahakama) ili kuona haki inatendeka.

Mawaziri waliondolewa katika nafasi zao walitajwa katika ripoti ya CAG, na pia ripoti za kamati za kudumu za Bunge zilizowasilishwa kwenye vikao vya Bunge lilifanyika hivi karibuni mkoani Dodoma.

Kamati hizo ni ile ya Kudumu ya Bunge ya Hesabu za Serikali na Mashirika ya Umma (POAC) ambayo Mwenyekiti wake ni Mbunge wa Kigoma Kaskazini, Zitto Kabwe na Kamati ya Bunge ya Ardhi, Maliasili na Mazingira Mwenyekiti wake , James Lembeli zilionyesha namna mawaziri walivyoshindwa kuwajibika na kusababishia taifa hasara kubwa.

Ripoti za kamati hizo bungeni ziliibua tuhuma za upotevu wa fedha huku zikiwataja baadhi ya mawaziri kushindwa kuwajibika hali iliyomsukuma Mbunge wa Kigoma kaskazini, Zitto Kabwe kuitisha hoja ya kukusanya saini za kupiga kura ya kutokuwa na imani na Waziri Mkuu, Mizengo Pinda.

Akitoa mada katika washa hiyo, Amina Uddy mwanaharakati kutoka ForDIA, alisema hali ya uwajibikaji nchini imeshuka kwa kiwango kikubwa hali inayowafanya viongozi washindwe kujali na kusimamia rasilimali za umma.

Sugu aelekea Ruvuma kuvuna wanachama

twangaraha — Fri, 11 May 2012 07:06:10 GMT

MBUNGE wa Mbeya Mjini, Joseph Mbilinyi (CHADEMA), leo anatarajiwa kuanza ziara ya kukijenga chama Kanda ya Nyanda za Juu Kusini.

Akizungumza na Tanzania Daima jana kwa njia ya simu kutoka Mbeya, Sugu alisema kuwa anaanza ziara ya kichama ya siku tatu mkoani Ruvuma, ambako atahutubia mikutano ya hadhara.

Mbilinyi maarufu kama ‘Sugu’ alisema kuwa leo atafanya mkutano huko Madaba na kesho atakuwa mji mdogo wa Mbinga na Jumapili atamalizia mjini Songea.

"Leo nitaanza ziara ya siku tatu ya kichama mkoani Ruvuma, ambako nitaungana na viongozi wengine wa Chachema mkoani humo, kuhutubia mikutano ya hadhara ili kusaka wananchama wapya kutoka Nyanda za Juu Kusini,” alisema Sugu.

Katika hatua nyingine, Sugu alisema kuwa anashukuru kuona ujenzi wa barabara kwa kiwango cha lami katikati ya mji wa Mbeya unaendelea vizuri, jambo linalompa faraja kwamba anatekeleza ahadi zake za kuwaletea maendeleo wakazi wa Mbeya.

Alisema kuwa anaamini ataweza kuzitimiza ahadi zake zote ndani ya muda muafaka kutokana na jinsi wananchi na watendaji wa Mbeya wanavyomuunga mkono.

"Kwa kweli ninafarijika kuona wananchi wa Mbeya pamoja na watendaji wa serikali wanaweka itikadi pembeni na wanakuwa na lugha moja katika kutekeleza miradi ya maendeleo,” alisisitiza Sugu.

nasari afunguka kwa waandishi wa habari

twangaraha — Fri, 11 May 2012 06:53:43 GMT

MBUNGE wa Arumeru Mashariki, Joshua Nassari (CHADEMA), amesema kuwa hana nia wala dhamira ya kuchochea na kuhamasisha mgawanyiko katika nchi kama ambavyo imekuwa ikitafsiriwa na baadhi ya watu.

Akizungumza na waandishi wa habari jana, juu ya maneno anayodaiwa kuyatoa Jumamosi kwenye mkutano wa hadhara wa chama chake wakati wa uzinduzi wa operesheni ‘vua gamba vaa gwanda’ kwenye viwanja vya NMC, Nassari alidai lengo la hotuba yake lilikuwa kuhimiza serikali na jeshi la polisi lishughulikie mauaji ya watu na kudai hakulenga kuchochea vurugu au kumzuia Rais kutekeleza wajibu wake.

"Kumetokea sintofahamu kubwa kuhusu sehemu ya hotuba yangu niliyoitoa; chama changu siku zote kimekuwa mstari wa mbele kuunganisha umma wa Watanzania wote kudai haki, umoja, amani na maendeleo ya kweli bila kujali ukanda, udini wala historia, ningependa ifahamike kuwa sina lengo wala dhamira ya kuwagawa Watanzania kwa namna yoyote ile kama ambavyo imekuwa ikitafsiriwa,” alisema Nasari.

Alisema hata kauli ya ufafanuzi iliyotolewa na Mwenyekiti wake wa Taifa, Freeman Mbowe, kwenye mkutano huo baada ya yeye kuzungumza iliweka mkazo juu ya msimamo wa CHADEMA wa kuunganisha nguvu ya umma katika maendeleo ya Watanzania.

"Hata alipohojiwa na vyombo vya usalama kutaka kujua nilimaanisha nini aliwaeleza hivyo,” alisema.

Nassari ametoa kauli hiyo siku moja baada ya jeshi la polisi kudai linasubiri ridhaa ya Mkurugenzi wa Mashtaka Nchini (DPP) ili waweze kumfikisha mahakamani pamoja Mwenyekiti wa BAVICHA Taifa, John Heche, na mwanachama Ally Bananga ambaye alikuwa amehamia CHADEMA siku hiyo ya mkutano akitokea CCM alikokuwa akishika nyadhifa mbalimbali za uongozi.

Naibu Kamishina wa Polisi, Isaya Mungulu, aliwaeleza waandishi wa habari juzi kuwa baada ya kuwahoji wamebaini makosa wanayowatuhumu nayo yanaangukia katika kifungu cha sheria namba 63 b cha kanuni ya adhabu, sura namba 16 ambapo inahitaji ridhaa ya DPP kabla ya kuyafikisha mahakamani.

UVCCM wamshukia

UMOJA wa vijana wa Chama cha Mapinduzi (CCM) umemtaka Msajili wa Vyama vya Siasa nchini, kuviwajibisha baadhi ya vyama ambavyo vinatumia vibaya uhuru wake.

Katibu mkuu wa umoja huo, Martin Shigela, alisema hayo jana alipokutana na wanachama wa umoja huo kutoka Chuo Kikuu cha Dodoma (UDOM), akidai kuwa amesikitishwa na kauli iliyotolewa hivi karibuni na mbunge wa Arumeru Mashariki, Joshua Nassari, ya kulitaka jeshi la polisi kuwakamata waliohusika na mauaji ya wanachama wake, vinginevyo wangelijitangazia uhuru wao.

Alidai kuwa kauli ya Nassari ni ya kibaguzi na yenye lengo la kuchochea umwagaji damu, hivyo, lazima hatua zichukuliwe dhidi ya viongozi wa aina hiyo.

Aliwaambia wanavyuo hao walioandamano kwa ajili ya kumpongeza Rais Jakaya Kikwete kwa ajili ya mabadiliko ya baraza la mawaziri kuwa CCM inalaani kauli hiyo kwani siyo kauli nzuri katika mwenendo wa kisiasa.

Hata hivyo, wakati Shigela akilalama, tayari viongozi wa ngazi ya juu wa CHADEMA, wametoa maelezo kuwa huo sio msimamo wa chama chao, na Mwenyekiti wake, Freeman Mbowe, alisimama na kukemea kauli hiyo.

Kwa upande wake, Nasari amedai kuwa kauli yake haikuwa na lengo baya na ililenga kuweka mabadiliko ya kihamasa katika mikoa hiyo ili wengine waone wivu wa kimaendeleo kwa mikoa ya kaskazini ambayo inaonyesha mabadiliko makubwa.

"Mimi ni mtu mdogo tu sina nguvu hata kidogo ya kutangaza uhuru huo wa sehemu yoyote ya nchi” alifafanua Nasari.

CHADEMA yatishia kuiumbua CCM

twangaraha — Fri, 11 May 2012 06:48:09 GMT

CHAMA cha Demokrasia na Maendeleo (CHADEMA) kimetishia kuweka hadharani majina ya mawaziri na wabunge ambao walikuwa tayari kujiunga na chama hicho.

Akizungumza na waandishi wa habari jana jijini Dar es Salaam, Mkurugenzi wa Uenezaji wa chama hicho, John Mnyika, alisema Chama cha Mapinduzi kisitake kuilazimisha CHADEMA iseme ukweli wote juu ya wimbi kubwa la wana CCM, wakiwemo wabunge na mawaziri ambao wanataka kujiunga nayo.

Mnyika akijibu taarifa ya CCM iliyotolewa na Katibu wa Uenezi na Itikadi, Nape Nnauye, alisema kuwa viongozi wengi wa chama hicho tawala wanajua mchakato mzima uliokuwepo wa wabunge, mawaziri na wana CCM wengine kutaka kuhamia CHADEMA tangu wakati wa uchaguzi mkuu wa 2010 lakini wakaingiliwa.

Mnyika aliwataka viongozi wa CCM waseme kama wako tayari kupokea ukweli mchungu wa viongozi wao walio tayari kukihama chama hicho na kujiunga na upinzani "Wasitulazimishe kusema. Na kama wanataka waseme kama wako tayari, tufungue boksi, ikibidi hata nitaje majina ya watu na kwa nini baadaye walishindwa kujiunga,” alisema Mnyika.

Mnyika alisema imekuwa ni kawaida ya CCM kukanusha kila kitu, na kumlinganisha Nape na aliyekuwa Waziri wa Habari wa Iraq chini ya utawala wa Saddam Hussein ambaye alikanusha kila kitu, huku akijua majeshi ya Marekani yalikuwa yamewazidi nguvu.

"Sisi hatuwashangai wao kukanusha maana hata wakati waliokuwa madiwani wao wanahama kutoka CCM kuja CHADEMA walikanusha hivihivi, lakini leo yako wapi, madiwani kuanzia Arusha mpaka Mwanza huko wamehamia CHADEMA, hivyo hata hili la wabunge na mawaziri atakanusha sana lakini si atulie asubiri aone,” amesema Mnyika.

Taarifa ya CCM iliyotolewa jana imekanusha madai yaliyotolewa na Mwenyekiti wa CHADEMA Taifa, Freeman Mbowe, ambaye mwishoni mwa wiki jana alitangaza katika mkutano mkubwa wa hadhara jijini Arusha kuwa wabunge 70 na mawaziri kadhaa walikuwa tayari kujiunga na chama hicho cha upinzani.

Nape alidai kuwa maneno hayo ya Mbowe ni uongo kwa vile hakuna waziri au mbunge ambaye yuko tayari kuondoka ndani ya CCM na kwamba yametolewa kwa lengo la kujipatia umaarufu wa bure.

Hoja ya mauaji

Akizungumzia tamko la CCM lililotolewa jana kukanusha tuhuma za kuhusika na mauaji, Mnyika alikishambulia vikali chama tawala akidai kimeshindwa, Nape anaficha ukweli juu ya kuhusika kwa baadhi ya viongozi wake na mauaji hayo.

"Kama angetafakari kabla ya kusema angejua kuwa mpaka sasa viongozi wa serikali wanaotokana na CCM wako chini ya ulinzi wa polisi kuhusiana na mauaji ya Mwenyekiti wa CHADEMA Kata ya Usa River. Lakini pia viongozi na wanachama wa CCM wametajwa kwa majina kuhusika katika tukio la wabunge wa CHADEMA kukatwa mapanga huko Mwanza. Na mpaka sasa wako chini ya uchunguzi wa Jeshi la Polisi Mwanza,” alisema Mnyika.

Aliongeza kuwa kuna majina ya viongozi wa CCM waliotajwa kuhusika katika vitendo vya mauaji na vingine vya utekaji kwa wanachama na makada wa CHADEMA katika maeneo mbalimbali mathalani wakati wa uchaguzi mdogo wa Kiteto, Busanda, Biharamulo na kwingine.

Mnyika aliongeza kuwa kama kweli CCM inataka kuonyesha kuwa ina uchungu na inakerwa na wimbi la mauaji ya kisiasa yanayoendelea nchini, basi walizungumze suala hilo katika vikao vyao kuielekeza serikali kutumia sheria ya Inquest Act, sura ya 24 ya sheria za Tanzania ambayo inaitaka serikali kuchunguza vifo vyenye utata.

Mawaziri waanza kwa mkwara

twangaraha — Fri, 11 May 2012 06:42:53 GMT

SIKU moja baada ya Rais Jakaya Kikwete kufanya mabadiliko makubwa katika Baraza lake la mawaziri, mawaziri na manaibu wapya wamesema watahakikisha wanafanya kazi kwa maslahi ya Taifa na Watanzania.

Juzi Rais Kikwete alifanya uteuzi huo kwa kufanya mabadiliko makubwa ya Baraza lake kwa kuingiza sura 13 mpya huku mawaziri na naibu mawaziri nane wakitupwa nje ya baraza hilo.

Katika mabadiliko hayo, amewapandisha naibu mawaziri wanne kuwa mawaziri kamili na kuwahamisha mawaziri nane na naibu mawaziri sita, huku mawaziri na naibu mawaziri 22 wakibaki katika wizara zao za awali.

Dk Mgimwa

Wakizungumza kwa nyakati tofauti na Mwananchi Jumapili Waziri wa Fedha na Uchumi, Dk William Mgimwa, alisema uteuzi huo ni jambo la heshima hivyo ni lazima kujituma na kufanya kazi kwa maslahi ya Watanzania.

Alipoulizwa jinsi atakavyokabiliana na changamoto ndani ya wizara hiyo ikiwa ni pamoja na tuhuma zilizomng ‘oa aliyekuwa waziri wa wizara hiyo Mustapha Mkulo, Dk Mgimwa ambaye ni Mbunge wa Kalenga alisema kabla ya kufanya lolote ni lazima kujiridhisha.

"Bungeni tulikuwa tunazungumza mengi kuhusu wizara hii lakini niseme kwamba ni lazima ufanye tathmini na ukishajua hali halisi ya tatizo ndio unaweza kuzungumza suluhisho la tatizo husika ni nini, hakuna kisichowezekana,” alisema Dk Mgimwa

Alisema atafanya kazi kwa kujituma na uzalendo mkubwa ili kuhakikisha makusanyo ya fedha yanaongezeka, matumizi ya fedha yanafanyika kama yalivyopangwa na kuboresha ukusanyaji wa mapato.

Makamba

Kwa upande wake Naibu Waziri wa Wizara ya Sayansi, Teknolojia na Mawasiliano, January Makamba ambaye pia ni Mbunge wa Bumbuli, alisema moja ya mambo ya kufanya katika wizara hiyo ni kuitazama upya gharama za mitandao ya simu, mitandao kutofika maeneo ya vijijini pamoja na huduma hiyo kuwa bora zaidi.

"Wizara hii inagusa maisha ya kila siku ya Mtanzania hivyo kuna ulazima wa kutizama gharama za mitandao ya simu ili iendane na maisha halisi ya mtanzania” alisema Makamba.

Akizungumzia masuala ya sayansi, Makamba alisema kuwa kuna ulazima wa kutizama upya msingi wa elimu ya sayansi kuanzia shule ya msingi kwa kushirikiana na Wizara ya Elimu na Mafunzo ya ufundi, lengo likiwa ni kuongeza idadi ya wanafunzi wanaosoma somo hilo.

Pia, aligusia mikakati iliyowekwa awali ya asilimia moja ya pato la taifa kuingizwa katika ufanyaji wa tafiti mbalimbali na kwamba umefikia wakati wa suala hilo kuanza kutekelezwa kikamilifu.

"Tunatakiwa kuondoa urasimu wa matumizi ya teknolojia, hakuna haja ya watumishi wa Serikali na wananchi kupanga foleni kwa ajili ya kuchukua fomu, huu ni wakati wa fomu kujazwa katika mitandao tu,” alisema Makamba.

Hata hivyo, Makamba alisema kuwa mambo mengi anayoyaona na kuyazungumza hata bungeni yameshaanza kufanyiwa kazi na wizara hiyo.

Rashid

Naibu Waziri wa Afya na Ustawi wa Jamii, Dk Seif Suleiman Rashid alisema kuwa kipaumbele katika wizara hiyo ni kuhakikisha huduma zinawafikia wananchi, tena kwa ubora mkubwa.

"Huduma ya afya inatakiwa kuwafikia watu wote nchini ikiwa ni pamoja na kuhakikisha mgonjwa anasafirishwa eneo moja mpaka jingine kwa usalama” alisema Dk Rashid.

Rashid ambaye pia ni Mbunge wa Rufiji alisema kuwa wizara inatakiwa kushughulikia sera na kutengeneza mipango mizuri ili watumishi wake wafanye kazi katika mazingira bora kwa faida yao na Watanzania wote.

Tizeba

Naye Naibu Waziri wa Uchukuzi, Dk Charles Tizeba ambaye ni Mbunge wa Buchosa alisema kwa kuwa ni msaidizi wa waziri wa wizara hiyo, Dk Harrison Mwakyembe, atahakikisha kila jambo analofanya bosi wake linakwenda sawa.

"Namshuruku sana Rais Kikwete, Waziri Mkuu na Makamu wa Rais kwa kuwa wao ndio waliopendekeza mimi kuteuliwa kuwa waziri, nitatumia elimu yangu na uzoefu katika Serikali katika utendaji wangu wa kazi” alisema Dk Tizeba.

Mahenge

Kwa upande wake Naibu Waziri wa Wizara ya Maji, Dk Binilith Mahenge ambaye ni Mbunge wa Makete, alisema kuwa atazungumza zaidi mara baada ya kuapishwa.

Masele
Akizungumzia kuteuliwa kwake Masele alisema kwanza atapambana kudhibiti mali ya umma, kuhakikisha udhibiti wa madini na kupata thamani halisi ya kile kinachozalishwa.

Pia alisema atashughulikia matatizo ya wachimbaji wadogo ambao wamekuwa wakinyonywa ili waweze kupata haki zao stahiki na kuinua uchumi wao.

"Niwahakikishie Watanzania kwamba nimepewa nafasi kubwa na nitafanya kazi kwa uadilifu,"alisema Masele.

Aliongeza kuwa; "Tutahakikisha tunazipitia sheria na kuhakikisha wamiliki wa migodi wanawasaidia wananchi na kila sehemu ulipo mgodi tutashughulikia ili wananchi na serikali vyote vinufaike."

Alisema kuna watu wanapotosha kuhusu elimu yake, lakini ana Shahada ya Sayansi ya Siasa na Uhusiano wa Kimataifa aliyoipata kutoka Chuo Kikuu cha Dar es Salaam(UDSM) ambako alihitimu mwaka 2004.

Pia amewahi kufanya kazi katika benki kabla ya kupata nafasi ya kuwa Meneja Kanda ya Ziwa wa Kampuni ya Simu ya Mkononi ya Tigo.

Mawaziri walioachwa wazungumza

Baadhi ya Mawaziri waliochwa kwenye baraza la jipya, wameelezea kilicho moyoni mwao katika kipindi hiki ambacho sasa watahudhuria Bunge kama wabunge wa kawaida na watapata fursa ya kuibana Serikali kiutendaji.

Mtufatakamba

Aklizungumza na Mwananchi Jumapili, aliyekuwa Naibu Waziri wa Uchukuzi, Athuman Mfutakamba alisema: "Kwanza namshukuru Mheshimiwa Rais (Jakaya Kikwete) kwa kuniteua kuwa Naibu Waziri, kwa kipindi chote cha miaka miwili nimejifunza na nimekumbana na changamoto nyingi.”

Kuhusu baraza lililosukwa upya, Mfutakamba alisema anampongeza Rais Kikwete kwa kuteua watu makini na wenye elimu kusimamia Wizara ya Uchukuzi.

Alisema uteuzi wa Dk Harison Mwakyembe kuwa Waziri wa Uchukuzi na Charles Tizeba kuwa naibu wake, umefanywa kwa umakini.

"Nampongeza (Rais Kikwete) kwa kuteua watu wengine. Ni watu wazuri na nawafahamu; Dk Mwakyembe amebobea katika sheria na Tizeba ni mhandisi mwenzangu,” alisema.

Aliongeza: "Naamini hawa wataweza kusukuma gurudumu la Wizara ya Uchukuzi na kutekeleza kikamilifu Ilani ya CCM.”

Ingawa kwa sasa hana mamlaka kwenye wizara hiyo, lakini alisema yuko tayari kutoa mchango wake pale ambapo watamhitaji kwa ushauri.

Kuhusu mkakati wake kwa sasa, Mfutakamba alisema ataingia bungeni akiwa mbunge wa kawaida na atashirikiana na wenzake katika kuishauri Serikali katika mambo mbalimbali ili kuwaletea maendeleo Watanzania.

Nundu

Aliyekuwa Waziri wa Uchukuzi, Omari Nundu alisema asingependelea kuzungumza na vyombo vya habari kwa sasa kwa sababu yeye sasa siyo waziri bali ni mtu wa kawaida.

"Samahani sana. Sizungumzi na magazeti. Mimi siyo waziri tena ni mtu 'private' (mtu binafsi)," alisema Nundu na kukata simu.

Mkulo

Aliyekuwa Waziri wa Fedha na Uchumi, Mustafa Mkulo naye alisisitiza kuwa hayuko tayari kuzungumza kupitia vyombo vya habari kwa sasa.

Hakupenda kutoa sababu za kuwa na msimamo huo baada ya kukata simu iliasiendelee kuhojiwa.

Miongoni mwa mawaziri wengine ambao waliachwa kwenye baraza hilo ni waliokuwa Mawaziri wa Viwanda na Biashara, Cyril Chami, Afya na Usatawi wa Jamii, Dk Haji Mpona, Naibu wake, Dk Lucy Nkya, Nishati na Madini, Wiliam Ngeleja na Maliasili na Utalii, Ezekiel Maige.

Dk Mponda na Dk Nkya simu zao zilikuwa zimefungwa wakati wengine zilikuwa zinaita kwa muda mrefu bili kupokelewa.

Wabunge wateule watoa neno

Nao wabunge wateule wamesema ili kuepusha mvutano baina ya Serikali na jamii viongozi nchini wanatakiwa kuwajibika na kuwa karibu zaidi na wananchi huku mmoja wao, Profesa Sospeter Muhongo akisita kuzungumza kuteuliwa kwake kwa sasa na kufafanua kuwa wanasayansi sio wanasiasa.

Wabunge hao walioteuliwa juzi na Rais Jakaya Kikwete ni Mwenyekiti wa Chama cha NCCR-Mageuzi, James Mbatia, Profesa wa Chuo Kikuu cha Dar es Salaam, Sospeter Muhongo, kada wa CCM, Janet Mbene na Saada Mkuya.

Wakizungumza na Mwananchi kwa nyakati tofauti, Mbene ambaye ni Mwenyekiti wa Kamati ya Uchumi ya chama hicho jijini Dar es Salaam na Mwenyekiti wa Serikali ya Mtaa wa Masaki alisema yupo tayari kuwatumikia wananchi kwa kuwa ni mzalendo.

Mbene ambaye aliwahi kuteuliwa na Rais kuwa Mbunge Februari 2010 alisema viongozi wanatakiwa kuwa karibu na wananchi ikiwa ni pamoja na kuwashirikisha na kuwasikiliza matatizo yao.

"Tusipofanya hivyo wananchi wanaweza kuhisi jambo lolote, inawezekana haya yaliyotokea kwa mawaziri yametokana na mambo kutowekwa wazi na kutolewa ufafanuzi, wananchi wanatakiwa kupewa ufafanuzi wa masuala mbalimbali, pia wapewe huduma muhimu malalamiko yatapungua,”alisema Mbene.

Kada huyo wa CCM ambaye ameteuliwa na Rais Kikwete kuwa Naibu Waziri wa Fedha na Uchumi alisema alisema , ""Ukiwa waziri kazi hufanyi peke yako unakuwa na wasaidizi, pia wapo wenzako ambao utawakuta na wana, unapopata fursa kama hizi unatakiwa kutumia ulichonacho kwa ajili ya wengine”.

Mbene aliwahi kugombea ubunge wa Viti Maalum kupitia NGO mwaka 2010 lakini alishindwa na Rita Mlaki. Hivi karibuni aliteuliwa na Kamati Kuu (CC) ya CCM kuwania Ubunge wa Afrika Mashariki lakini alishindwa baada ya kupata kura chache katika uchaguzi uliofanyika Bungeni, Dodoma.

Kwa upande wake Mbatia alisema kuwa ameteuliwa na Rais kuwa mbunge kutokana na chama chake kuwa na siasa za kujenga hoja, siasa ambazo zinawafanya watanzania kudai haki zao bila vurugu na kumwaga damu.

Alisema kuwa hajachaguliwa kwa upendeleo wala kulipa fadhila na kwamba Rais Kikwete amefanya uteuzi huo kwa mujibu wa Katiba ya Jamhuri ya Muungano.

"Katiba iko wazi na imeeleza kuwa Rais anaweza kuteua mtu yoyote bila kujali anatokea chama gani cha siasa. Katika suala zima la uongozi hakuna mwenye hati miliki ya kuwaongoza watanzania” alisema Mbatia

Mbatia ambaye Januari 21 mwaka huu akiwa na viongozi wengine wa chama hicho waliitwa Ikulu kutoa maoni yao kuhusu Katiba mpya alisema tatizo kubwa linaloikabili nchi ni mfumo wa elimu ambao unasababisha mmonyoko wa maadili, ukosefu wa uadilifu na uaminifu, wajibikaji wa pamoja na watu kutopenda kufanya kazi.

"Mfumo huu unawafanya watu kutoiheshimu Katiba na sheria za nchi jambo ambalo linasababisha kuwepo na pengo kubwa kati ya mwenye nacho na asiyenacho” alisema Mbatia.

Alisema kwakuwa sio mbunge wa kuchaguliwa, jukumu lake kubwa ni kuwatumikia watanzania wote, chama chake.

Wakati Mbatia akieleza hayo Profesa, Sospeter Muhongo ambaye siku nne zilizopita aliteuliwa kuwa mbunge, juzi ameteuliwa tena kuwa Waziri wa Nishati na Madini juzi, alisita kuzungumzia uteuzi huo na kusema kuwa wanasayansi sio wazungumzaji kwa kuwa sio wanasiasa.

Profesa huyo wa Jiolojia katika Chuo Kikuu cha Dar es Salaam, Profesa wa heshima ya Jiolojia katika Chuo Kikuu cha Pretoria, Afrika Kusini aliomba atafutwe siku nyingine na kuahidi kuwa atazungumza kwa kirefu kuhusu kuteuliwa kwake.

Huku akizungumza kwa furaha alisema, "Nisamehe kijana wangu unajua wanasayansi si wazungumzaji sana kwa kuwa sio wanasiasa, nipe muda kidogo nakuahidi kuwa tutazungumza mengi tu ila kwa sasa nipe muda